Infurmaziuns

Tschertga
Las endataziuns vegnan per regla tschertgadas a moda globala. La funcziun da retschertga è bilingua (rumantsch grischun e tudestg). Cun agid d’ina glista pon ins tschertgar noziuns indexadas. La glista cumpara apaina ch’ins scriva insatge en il champ. Alura sto il chavazzin vegnir selecziunà per retschaiver il resultat da la retschertga. Per sfugliar libramain en la Fototeca online recumandain nus la rubrica «Scuvrir».

Collecziuns
La Fototeca dal DRG cumpiglia in grond dumber da fotografias da differenta derivanza. Ella è structurada en collecziuns.

Empustaziuns
Il temp da furniziun è circa in’emna. En cas dad in’empustaziun pli gronda po quai durar pli ditg. Las fotografias vegnan furnidas en il format da TIFF cun ina resoluziun da 300 dpi.

Cundiziuns d’utilisaziun

• La persuna che cumpra fotografias è autorisada da far diever privat da quellas u da reproducir ellas in’unica giada en ina publicaziun.
• I n’è betg lubì da publitgar las fotografias en l’internet.
• Sche las fotografias vegnan publitgadas sco stampat, sto vegnir fatga la suandanta indicaziun: Fototeca dal Dicziunari Rumantsch Grischun ubain Fototeca dal DRG.
• Sche l’autura u l’autur è enconuschent, sto quella u quel era vegnir numnà (p.ex. Foto: C. Meisser, Fototeca dal DRG, Foto: Bauernhausforschung, Fototeca dal DRG, Foto: W. Zeller, Fototeca dal DRG).
• L’utilisadra u l’utilisader s’oblighescha da surdar 2 exemplars d’autur gratuitamain a l’Institut dal DRG da mintga publicaziun che cuntegna fotografias da la Fototeca dal DRG.
• Per mintga ulteriura reproducziun èsi da far danovamain ina dumonda en scrit a l’Institut dal DRG e da pajar la taxa respectiva.

En cas da dumondas u intschertezzas stain nus gugent a disposiziun per telefon (081 254 70 10) u per e-mail (info@idrg.ch). Bun divertiment cun fufragnar en nossa fototeca!